წიგნში მოქმედების მთავარი სფერო - ინგლისელი საზოგადოების უმაღლესი ფენებია. ავტორი აღშფოთებას გამოთქვამს მაღალი კლასის ამპარტავნებასა და სიყალბეზე. ასევე სვამს "სნობიზმის პრობლემას". ტერმინი "სნობი" თეკერეისებური გაგებით , არის რეგვენი, რომელიც აყოლილია საზოგადოებისთვის მიღებულ ნორმებს, რაც მისთვის გაუგებარია, თუმცა ამავდროულად მისაღებიცაა. მწერალი სნობის სახეებს ხედავს ინგლისელ არისტოკრატთა წრეებში.
რომანში მთავარ გმირებს არავითარი ადამიანური ღირებულებები არ გააჩნიათ. მათი მთავარი მამოძრავებელი მოტივი , სახელის, სიმდიდრის დაუფლებისკენ სწრაფვაა. წიგნის გმირები უარყოფითი პერსონაჟები არიან, თუმცა მათში, კარგი და ცუდი თვისეების სინთეზი იგრძნობა. მწერალი ნაწარმოებში, სრულიად განსხვავებულ პერსონაჟებს აახლოებს. მაგალითად , ბეკი შარპი და ემილია სედლი - ორი ახალგაზრდა ლედი, რომლებიც ამთავრებენ პანსიონს, იწყებენ ახალ ცხოვრებას, თუმცა მათი რეალური ცხოვრება განსხვავებულია ერთმანეთისგან. ემილია მდიდარია , მგრძნობიარე, მიამიტი, სუსტი პიროვნება, რომელიც მხოლოდ მისი სოციალური მდგომარეობის გამოა მისაღები მაღალი წრის საზოგადოებისთვის. თუმცა, ემილია ეძებს სიყვარულს, თითქოს ესაა მისი სიცოცხლის მთავარი აზრი.
ბეკი შარპი - ობოლი გოგონაა, რომელიც ღარიბია. მას სცხვენია საკუთარი თავის წარმომავლობის და ყველანაირი ხერხით ცდილობს დაიმკვიდროს თავი საზოგადოებაში. ბუნებით ის ამპარტავანი, ანგარებიანი , შურიანია, თუმცა ჭკვიანიც ამავდრულად. მას შურს ემილიას მდგომარეობის, რომელიც უზრუნველად ცხოვრობს.
ავტორი ხშირად ირონიას მიმართავს პერსონაჟეის დახასიათებისას. მას უნდა გვძულდეს მლიქვნელი, ამპარტავანი "სნობები", რომლებსაც არავითარი ღირებულებები არ გააჩნიათ ადამაინებთან მიმართებაში.
ემილია ვერ ხედავს ბეკის ნამდვილ სახეს. ბეკის ერთი შეხედვით "გულწრფელი ზრახვები" აქვს ემილიას მიმართ, თუმცა ის ავლენს ნამდვილ მისწრაფებებს ნაწარმოებში, ის ახერხებს დადებითი განწყობის მოპოვებას მის გარშემო, მიუხედავად მისი ანგარებიანი ზრახვებისა, საკმაოდ ჭკვიანური ხერხებით.
ასევე საინტერესო პერსონაჟია მისტერ სედლი - არისტოკრატი, ემილიას მამა , რომელიც ამხელს თავის შვილს - ჯოზეფს ფულის ფლანგვაში და უსაქმურობაში. იგი ხედავს მანკიერ თვისებებს თავისივე წრის წარმომადგენლებში, რაც მის დადებით თვისებაზე მიანიშნებს მკითხველს.
საკმაოდ საინტერესო წიგნია - რომელიც ჩვეულებრივი ადამიანისთვის დამახასიათებელ მანკიერებებს ასახავს. ისე, საინტერესოა, საზოგადოების როგორი სურათი იქნებოდა აღწერილი დღევანდელი რეალობიდან გამომდინარე, "ჩვენი დროის ამაოების" სურათს თუ აღვწერთ?!
No comments:
Post a Comment