ინდიელთა ბრძოლა კოლონიზატორებთან - ეს თემა გააერთიანა უდიდეს სიყვარულსა და საშინელ სიკვდილთან ავტორმა და ამ სამი თემით შექმნა ლეგენდად ქცეული წიგნი - "უთავო მხედარი". ამ წიგნმა ნაწილობრივ მასიამოვნა, ნაწილობრივ კი გული დამწყვიტა.
წიგნში აღწერილია ომის შემდგომი პერიოდი, როდესაც ამერიკამ მექსიკას წაართვა ტერიტორიები და ინდიელთა ხოცვა-ჟლეტვა დაიწყო. იმ პერიოდში ევროპელი დამპყრობლები , მეზღვაურები და მოგზაური აღმომჩენები მიემართებოდნენ "ახალი მიწის" ათვისებისთვის და შემდეგ დასახლებისთვის.
ერთ-ერთი მთავარი გმირი , ულამაზესი ლედი ლუიზა პოინდექსტერი, უყვარდება მამაც - მორის ჯერალდს. მათი სიყვარული იმდენად ლამაზი იყო, რომ თავად კაპიტანი კასიუს კოლჰაუნი , ლუიზას მამიდაშვილი , რომელსაც ასევე ძალიან უყვარდა ლუიზა , უდიდესი ბოროტებით და შურით ივსებოდა მათი დიდი გრძნობის მიმართ.... მან ბევრი რამე იღონა , რომ ეს სიყვარული დაემსხვრია, მაგრამ მათმა სიყვარულმა , ყველაფერს გაუძლო და ყველაფერი დაამარცხა.
უთავო მხედარი, უმთავრესი გმირი - ყველაზე საიდუმლოებით მოცული პერსონაჟია.ის მართლაც უთავო მხედარი იყო, რადგან თავი მხრებზე კი არ ება, არამედ სისხლისფერ ცხენზე ამხედრებულს, ხელში ეჭირა იგი. ეს სანახაობა კი საშინელი იყო, თავად ბოროტი კოლჰაუნიც კი გააკვირვა და შეაძრწუნა ამ ამბავმა. თუ რატომ და როგორ მოხდა ყველაფერი , ამას წიგნის წაკითხვისას გაიგებთ.
წიგნში არის როგორც სამართალი, ასევე უსამართლობაც. უსამართლობა ის იყო , რომ როდესაც უთავო მხედრის საქმეს იძიებდნენ სასამართლოში, ბრალდებულის ადგილზე იჯდა არა მკვლელი , არამედ სრულიად უდანაშაულო და სიყვარულით სავსე ადამიანი - მორის ჯერალდი...
კიდევ ბევრ საიდუმლოს და საინტერესო ამბავს იტევს ეს საოცარი წიგნი , რომელიც მოწყენის საშუალებას არ აძლევს მკითხველს და თავის ამოუცნობ სამყაროში ამოგზაურებს.
სამახსოვრო ფრაზები :
- რომანტიკული გრძნობა არ შეიძლება ფარისევლობით იკვებებოდეს
- ვისაც ნამდვილად ჰყვარებია,განა ოდესმე უფიქრია კლასობრივ განსხვავებაზე? სიყვარული ასეთ წვრილმანებს არ ითვალისწინებს.
- კაცმა დარდს თავი არ უნდა დააჩაგვრინოს.
- არის ცხოვრებაში წუთები , როცა ყოველგვარი ლაპარაკი ზედმეტია.
- თავს დამტყდარი უბედურება ადამიანს ნელ-ნელა უნდა გააგებინო.
No comments:
Post a Comment