რომანის მთავარი გმირი ფილიპ ჰირიპია, თუმცა თავის თავს ჰიპს უწოდებს და სხვებიც ამ სახელით იცნობენ. ობოლი ჰიპი დასთან და მის მეუღლესთან ერთად ცხოვრობს. გარდაცვლილი მშობლებისა და ძმების სასაფლაოს ხშირად სტუმრობს, სწორედ ამ ადგილიდან იწყება ამბავი, როდესაც ობოლ ბიჭუნას გზაზე ციხიდან გამოქცეული პატიმარი ხვდება.
წიგნის პირველივე გვერდიდან , კითხვისას უცნაური , ღრმა მოწყენილობა ჩნდება, ხვდები, რომ ბევრი მომენტი სევდიანი და ნაღვლიანი იქნება...
მალე გულგატეხილ მის ჰევიშემს ვეცნობით, რომელიც აყვანილი ქალიშვილისთვის- ესტელასთვის მეგობარს ეძებს და ჰიპის სახლში მიიწვევს, რის შემდეგადაც მოვლენები მეთად საინტერესოდ ვითარდება.
ბიჭუნას ცხოვრებაში ჩნდებიან ადამიანები, რომლებიც კვალს ტოვებენ , უსახავენ იმედებს და ახალ ემოციებს აღძრავენ. ჰიპისაც ,სწორედ იმ ასაკში ვეცნობით, როცა ადამიანზე განსაკუთრებულ გავლენას ახდენენ გარშემო მყოფები. ემოციები, მიზნები, უიმედობა, იმედები და ფიქრებიც განსაკუთრებულია ბავშვობაში, წლებთან ერთად კი თვალთახედვა იცვლება.
ბავშვობაში ჩვენზე გავლენას საზოგადოება ახდენს...თუმცა, შესაძლოა მხოლოდ ერთმა ადამიანმა და მისმა მაგალითმა ჩამოგვაყალიბოს განსხვავებულ ადამიანად, განსხვავებული ხასიათით და ბუნებით.
ცხოვრებაში რთულია მრავალი გზა გაიარო, თუნდაც ეს გულით გინდოდეს. წიგნი კი, საშუალებაა სხვადასხვა გზით გატაროს და იმ მომენტში , როდესაც ეს საჭირო იქნება - დაგანახოს ნამდვილი და სწორი გზა.
No comments:
Post a Comment