ჯოილენდი გასართობი პარკია, რომელიც ჰევენს-ბეიში, ჰევენსის სანაპიროს ახლოს მდებარეობდა. ავტორის თქმით, ის უკვე დიდი ხანია, რაც დაიხურა, რადგან დიდმა გასართობმა პარკებმა გაუწიეს კონკურენცია.
ამ წიგნის მთავარი პერსონაჟი - დევინ ჯონსი , 1972 წლის ზაფხულში დაიწყებს მუშაობას, რადგან ჯოილენდი მხოლოდ ზაფხულობით მუშაობს და ახარებს ბავშვებს. ის გამოირჩევა უამრავი ატრაქციონით და დევინი, რომელიც გასაუბრების შემდეგ უფროსს ძალიან მოეწონება , უფასოდ დასვამს იმ ატრაქციონზე, რომელიც ყველაზე მაღლა ადის და ამ პარკის მთლიანად დანახვის შესაძლებლობას გაძლევს. გასართობ პარკებს ყოველთვის აქვთ თავისი თილისმა. ჯოილენდის თილისმა აღმოჩნდა - ჰოუი, ძაღლი, რომელიც დიდი ხნის წინ მოკვდა და ყველა ატრაქციონს ამ ძაღლის სურათი ამშვენებდა. ასევე ქურთუკიც ჰქონდათ ძაღლის ფორმის, რომელშიც ისეთი დახუთულობა იყო , რომ თხუთმეტ წუთზე მეტხანს ჩაცმა არ შეიძლებოდა. ჰოუის ყველა სცნობდა და ყველა მისკენ გარბოდა. დედების გარეშე დარჩენილი და ატირებული ბავშვებიც კი ჰოუის დანახვისას ჩერდბოდნენ და თვალები უბრწყინავდათ, ისინი გაოცებით უყურებდნენ მის ცეკვას . "ჰოუი არ ლაპარაკობს, აქ ასეთი წესია"...
დევინ ჯონსი თავიდანვე შეიტყობს ჯოილენდში არსებულ ლეგენდაზე , ლინდა გრეის შესახებ. ლეგენდის თანახმად, ლინდა გრეის სული "მოჩვენებათა სახლშია" . ლინდა გრეი ცოტას თუ უნახავს, "მოჩვენებათა სახლში" მისმა შეყვარებულმა მას ყელი გამოჭრა და მატარებლიდან გადააგდო. მისი გვამი ჯოილენდის თანამშრომელმა იპოვა ატრაქციონების დათვალიერებისას, როცა ყველაფერი გაჩერებული იყო.
დევინ ჯონსი ამ საქმით ძალიან დაინტერესდება და მიუხედავად იმისა, რომ იცის მკვლელის პოვნა 8 წლის შემდეგ რომ შეუძლებელია, ის სადღაც შორს იქნაბა და კარგ დროს ატარებს, ან უკვე დიდი ხნის მკვდარია, მას მაინც სურს ცნობები მოიპოვოს ამ საქმის შესახებ და ასევე ძალიან უნდა , რომ ლინდა გრეი საკუთარი თვალით იხილოს.
გამოძიება საბოლოოდ სწორ კვალზე დააყენებს დევინს და ხიფათშიც გაეხვევა. თუ რას მიაკვლია მან, ამას წიგნის წაკითხვისას გაიგებთ.
კიდევ ერთხელ მინდა ავღნიშნო, რომ სტივენ კინგი ის ადამიანია, რომელიც თავისი წიგნებით ხალხს თავს აყვარებს, აღწევს იმ ბნელ ადგილებში, სადაც თვითონაც არაა ნამყოფი და ხალხს აჯერებს არარეალურ ამბებს.
No comments:
Post a Comment