სიუჟეტი ვითარდება ჟურნალისტ ლორი მორენის გარშემო. ის სკანდალური შოუს "ეჭვქვეშ" ავტორია. შოუ ეძღვნება გაუხსნელ საქმეებს, რომელმაც დიდი გამოხმაურებაგამოიწვია და მთელი ქვეყანა შეძრა.
შოუს პირველმა ეპიზოდმა უზომო პოპულაროა მოიპოვა , რადგან შოუს მსვლელობისას მოხერხდა წლების წინ თაროზე შემოდებული გაუხსნელი საქმის ახლებურად დანახვა და დამნაშავის დაკავება. შოუს ახალ თემად, ლორიმ - სიუზენ დემფსის მკვლელობის 20 წლის წინანდელი, გაუხსნელი საქმე შეარჩია. იმ საბედისწერო საღამოს, როდესაც 19 წლის სტუდენტი სიუზენი მოკლეს, იგი მომავალი ფილმის რეჟისორთან აპირებდა შეხვედრას. მას ახალ ფილმში როლი შესთავაზეს. თუმცა, რეჟისორის ნაცლად, სიუზენი მკვლელს გადაეყარა. ჰოლივუდის მახლობელ პარკში , რეჟისორის სახლიდან , ნახევარი კილომეტრის მოშორებით სიუზენი მკვლელს გაურბოდა , მაგრამ ვერ გაასწრო. გოგონას გვამი მეორე დღეს იპოვეს. მას მხოლოდ ცალი ფეხსაცმელი ეცვა. ჟურნალისტებმა ამ გაუხსნელ საქმეს "კონკიას მკვლელობა" შეარქვეს.
იმისთვის, რომ მაყურებელმა სრული სურათი დაინახოს და ჟურნალისტებმა რამე განსხვავებული სამხილი ან უზუსტობა აღმოაჩინონ, შოუში იწვევენ სიუზენის მეგობრებს, მის შეყვარებულს, მის პროფესორს, ფილმის რეჟისორს, დედას და რუმმეითებს. მალევე ლორა ამჩნევს, რომ 20 წლის წინანდელ საქმეში ბევრი უზუსტობაა, ბევრი ცარიელი ადგილია გაპარული, ბევრი კითხვაა პასუხგაუცემელი და ნელ-ნელა ჟურნალისტური გამოძიება კონტურებს იძენს. ლორას შოუს წაყვანაში იურისტი ალექს ბაკლი ეხმარება.
თუმცა, ვერც ლორი და ვერც მისი გუნდის სხვა წევრები ვერ ხვდებიან, რომ 20 წლის წინანდელი საქმით დღესაც ბევრი ბოროტმოქმედია დაინტერესებული. მათ კვალდაკვალ დევნის დამნაშავის აჩრდილი და მალევე ხდება აშკარა, რომ შოუს ჩაშლით ვიღაც არის დაინტერესებული.
უამრავი კითხვა ჩნდება შოუს მსვლელობისას :
- ვინ მოკლა კონკია სიუზენი?
- რა იყო მკვლელობის მოტივი?
- როგორ აღმოჩნდა სიუზენი ჰოლივუდის ტყეში, როდესაც მისი ავტომობილი ისევ უნივერსიტეტის კამპუსთან იდგა 8 კილომეტრის მოშორებით?
- ვინ იყო სიუზენის სიკვდილით დაინტერესებული?
No comments:
Post a Comment