"ყვითელი შპალერი" მწერლის ყველაზე ცნობილი ნაწარმოებია, რომელიც მან მშობიარობის შემდგომი მწვავე ფსიქოზური შეტევის შემდეგ დაწერა. ეს არის შემაძრწუნებელი ისტორია მარტოსული ქალისა , რომელიც ძლიერი დეპრესიით იტანჯება. იგი სრულიად ემიჯნება ოჯახს, გაუცხოებულია, სურს , რომ მოუსმინონ, მის მდგომარეობაზე ისაუბროს და უბრალო თანადგომა მოიპოვოს. ამის ნაცვლად კი იგი ხდება მეტად ჩაკეტილი , ვინაიდან არავინ უსმენს. მოსიყვარულე ქმარი, რომელიც ექიმია, ყველაფერს მის ფანტაზიად აღიქვამს და მიუთითებს სიმშვიდე შეინარჩუნოს. ქალი შვებას მის ოთახში არსებული შპალერის ნაგლეჯში ხედავს, იწყებს მის შესწავლას და დაკვირვებას. თავიდან მასში გამომწყვდეულ ქალს ხედავს, მაგრამ ნელ-ნელა მასში თავს აიგივებს და ზუსტად ისევე იქცევა როგორსაც მას ხედავს. საბოლოოდ კი ოთხზე დამდგარი ფორთხვას იწყებს და ამ ფიზიკური გამოხატულებით არწმუნებს თავის ქმარს თუ რა მძიმე მდგომარეობამდე მიიყვანა ის დეპრესიამ და მარტოსულობამ.
მწერლის მეორე ნაწარმოები - "მთის გადადგმა" , მოგვითხრობს კაცზე, რომელიც თავის სამშობლოში 30 წლის შემდეგ ბრუნდება და მას სრულიად სხვა სამყარო ხვდება. ეს არის შოკირებული კაცის ფიქრები იმის შესახებ თუ რა გავლენა მოახდინა მასზე იმ გარემოების მიღებამ, რომლის თანახმადაც ახლა ქალის უფლებები უფრო პრიორიტეტულია. ისინი მეტი თავისუფლებითა და არჩევანის უფლებით სარგებლობენ, პრესტიჟულ თანამდებობაზე მუშაობენ და ყველა ასპექტში მამაკაცებს უთანასწორდებიან ან მათზე მაღლა დგანან. თავდაპირველად კაცი სრულ აგრესიულობასა და მიუღებლობას განიცდის ახალი , თითქმის იდეალური სამყაროს მიმართ, მაგრამ მისი საბოლოო გადაწყვეტილება დაგარწმუნებთ , რომ ნებისმიერი ადამიანისთვის სიახლე , სიჯანსაღე და კომფორტულობა პრიორიტეტულია.
No comments:
Post a Comment