"წარმოიდგინეთ სამყარო , სადაც ქალებს ეკრძალებათ მუშაობა, საკუთრების ფლობა, სიყვარული... ეკრძალებათ გამოიყურებოდნენ ისე, როგორც თავად სურთ, ისაუბრონ და მოიქცნენ ისე, როგორც საჭიროდ ჩათვლიან"
ძალიან ცოტა ადამიანი მეგულება , რომელსაც მარგარეტ ეტვუდის "მხევლის წიგნი" გაგონილი არ აქვს. ვისაც რომანი არ აქვს წაკითხული, სერიალის შესახებ მაინც ექნება ინფორმაცია. ეს არის დისტოპიური რომანი მომავალზე, ტოტალიტარულ, ძალადობრივ სახელმწიფოზე, გილიადზეა, რომელიც რელიგიურ ფანატიზმს ამოაფარეს და ამ სახელმწიფოში ქალების როლზე, რომლებსაც მხოლოდ რეპროდუქციული როლი აქვთ. ქალები არიან მხევლები, მონები, უუფლებოები, რომლებსაც ყველაფერი წაართვეს. წაართვეს ცხოვრება, წარსული, მომავალი, პროფესია, ოჯახი და სახლიც კი...
რომანის მთავარი გმირია უსახელო ქალი, რომელიც როგორც ყველა სხვა ქალი გილიადაში თავის მეთაურს ეკუთვნის, მაგრამ იბრძვის, რომ ჯერ გადარჩეს და შემდეგ დაიბრუნოს ყველაფერი, რაც წაართვეს.
მთელი წიგნი არის მისი ერთი დიდი ბრძოლა სისასტიკის, ძალადობის, დამცირების, შეურაცყოფის, წამების წინააღმდეგ.
მარგარეტ ეტვუდმა ამ წიგნით გვანიშნა , რომ თუ მოინდომებენ, ნებისმიერი რელიგიის გამოყენება შეიძლება რეპრესირებისთვის. გვითხრა ისიც, რომ თუ ძალადობაზე თვალს დავხუჭავთ და ვიტყვით , რომ ჩვენ არ გვეხება, ხვალ ყველამ შეიძლება გაიღვიძოს ისეთ სამყაროში , სადაც ყველაფრის გამოსწორება დაგვიანებული იქნება...
აუცილებლად წასაკითხი წიგნია. ყველა ვინც წიგნს წაიკითხავს , შემდეგ ასევე შეუძლია ნახოს ეკრანიზაცია. ეს ის შემთხვევაა , როდესაც ეკრანიზაცია , არათუ ჩამოუვარდება რომანს, არამედ სუბიექტურად სჯობს კიდეც.
No comments:
Post a Comment