ქეთრინ სთოქეთის წიგნში "მოსამსახურე" ძალიან საინტერესო და დამაფიქრებელი თემაა განხილული. ეს წიგნი აერთიანებს ორ რასას და ეუბნება მკითხველს,რომ კანის ფერით არ უნდა გავნსაზღვროთ ყველაფერი, რადგან ბევრ ფერადკანიანს შეიძლება თეთრკანიანზე დიდი გონება და ადამიანურობა გააჩნდეს. ამ წიგნში არის აღწერილი ძალიან ცუდი რეალობა იმის შესახებ ,თუ როგორ ექცევიან თეთრები, შავკანიან მოსამსახურეებს...
ამერიკა, მისისიპის შტატი, გასული საუკუნის 60-იან წლები…ცხოვრება, როგორც ასეთი მიუღებელი…თეთრები და შავები… ქალები და კაცები… ბატონები და მოსამსახურეები…სამი ქალის მხრიდან დანახული ერთი გულსატკენი ამბავი…ერთ მხარეს ეიბილინი… მინი… მის სქითერი… მეორე მხარეს მის ჰილი, მის ლიფოლთი და სხვები...
ეიბილინი – შავკანიანი ძიძა, 17 თეთრი და ერთადერთი საკუთარი მკვდარი შვილის დედა, ხელით დაწერილი, სასწაულმოქმედი ლოცვების ავტორი და ამქვეყნად ჭეშმარიტების შემცველი ზღაპრების მთხრობელი… მინი მეამბოხე და დაუდგომელი სულის პატრონი, გაბედული კულინარი და ათასი სისულელის ჩამდენი შავკანიანი ქალბატონი… მის სქითერი – უშიშარი, მებრძოლი და სამართლიანი, ყველაზე სამართლიანი თეთრკანიანი გოგო მაშინდელ მისისიპში…მის სელია – ყველაზე ჩერჩეტი ქალი მთელ ამ ამბებში, მაგრამ მაინც ძალიან საყვარელი…
ამ წიგნში არის მოთხრობილი მოსამსახურეებზე, რომლებმაც გადაწყვიტეს ამოიღონ
ხმა,რაც ძალიან საშიშია ისეთ ქალაქში ,სადაც შესაძლოა სიტყვის
შებრუნებისთვის სიკვდილამდე გცემონ ან ენა ამოგაძრონ. მოსამსახურეებს კი
ხელს თეთრკანიანი ჟურნალისტი უწყობს, რომელმაც გადაწყვიტა დაესრულებინა
ყველაფერი და ბევრი რისკის მიუხედავად,საქმე ბოლომდე მიჰყავს. წიგნში ბევრი
მაგალითია რაც პროტესტის გრძნობას გაგიჩენთ და გულს აგიჩუყებთ, ეს წიგნი
აუცილებლად უნდა წაიკითხონ დრამის მოყვარულებმა.
წაიკითხეთ და გაიხსენეთ ადამიანები, რომლების არ ივიწყებენ იმას რომ “წინა
კაცი უკანა კაცის ხიდია”… რომ “მადლობის გადახდა, როდესაც გულწრფელი ხარ ,
როდესაც არ ივიწყებ სიკეთეს, ეს დიდი მადლია”, რომ, ცხოვრებაში ყველაზე
მძიმე ასატანი ეს მსჯელობის ის საგანია სადაც განიხილავენ იმას თუ რას
ნიშნავს იყო შავკანიანი და ემსახურებოდე თეთრ ქალბატონს… რომ “ქალებმა უნდა
გავაცნობიეროთ, რომ ორ ქალს ბევრი არაფერი აშორებს. ორივე ჩვეულებრივი
ადამიანია და რომ მათ გაცილებით მეტი სიახლოვე აკავშირებს ვიდრე
წარმოგვიდგენია”, მიუხედავად კანის ფერისა…
No comments:
Post a Comment