წიგნში არის მოთხრობილი ტყუპი დების ისტორია, რომლებიც არიან ძალიან პატარა ქალაქიდან, რომელსაც ჰქვია - მალარდი. ქალაქი იმდენად პატარაა, რომ რუკაზეც შეუძლებელია მისი პოვნა. თუმცა ეს ქალაქი იმდენად უნიკალურია, რომ ამ "შავი ქალაქის" მკვიდრნი, იმდენად ღია ფერის კანით გამოირჩევიან , შეუძლებელია ისინი ფერადკანიანად მიიჩნიონ. თუმცა ტყუპებს უჭირთ ქალაქიდან გაქცევა და საკუთარი ცხოვრების შექმნა , მას შემდეგ რაც დედამ მთლიანად დაასამარა მათი იმედები და ოცნებები სკოლიდან წაყვანით. მას სურდა, რომ დებს ემუშავათ ადრეული ასაკიდანვე და დახმარებოდნენ ოჯახს.
გარკვეული პერიოდის შემდეგ ისინი მაინც ახერხებენ და გარბიან სახლიდან და ამ ქალაქიდან, მიემართებიან სრულიად განსხვავებულ ქალაქში , საიდანაც შეუძლიათ დაინახონ სამყარო ფართოდ გახელილი თვალებით, მოძებნონ შანსები, გაშალონ ფრთები და იფრინონ, შეძლონ ისე ცხოვრება, როგორც ყოველთვის სურდათ , რომ ეცხოვრათ. თავისუფლება... თუმცა იმისთვის რომ გახდნენ თავისუფლები, ბევრი რამის დათმობა მოუწევთ და ამას საკმაოდ გვიან გაანალიზებენ.
ვერ ვიტყვი , რომ წიგნი უზომოდ საინტერესო იყო... წიგნის მთელი შინაარსი არის იმაზე , თუ როგორ გაიყარა ამ ტყუპი დების გზები და საბოლოოდ როგორ შეხვდნენ ერთმანეთს მრავალი წლის შემდეგ... თუმცა სასურველი იყო , რომ ავტორს უფრო სიღრმისეულად გადმოეცა ემოციები და არა ზედაპირულად , რაც საკმაოდ იმედგამაცრუებელი აღმოჩნდა ....
არსებობს რასობრივი იდენტობის ანალიზი , რაც დამეხმარა სიუჟეტის უკეთესად გაანალიზებაში და მაინც კარგია , რომ წავიკითხე , თუმცა ისეთი დადებითი და სასწაული გამოხმაურება როგორიც ამ წიგნს აქვს , ვფიქრობ ცოტა ზედმეტია.
სამახსოვრო ფრაზები :
- შეიძლება ქალაქს გაექცე , მაგრამ სისხლს ვერ გაექცევი.
- ის , თუ ვინ ხარ , ხანდახან სულ პატარა დეტალებამდე დადის.
- გასაოცარია, რას არ ჩაადენინებს კაცს ემოცია.
- ზოგ ადამიანს ჰგონია, რომ განსხვავებულობა განსაკუთრებულობას ნიშნავს,არადა ამას მხოლოდ მარტოობა მოაქვს.
- ამხელა სამყაროა , ჩვენ კი მხოლოდ ერთხელ ვცოვრობთ, აი რა არის ყველაზე სევდიანი...
No comments:
Post a Comment