უდიდესი რეკომენდაცია მინდა გავუწიო ამ არაჩვეულებრივ წიგნს. ჯემალ ქარჩხაძე რომ ყველა დროის ერთ-ერთი საუკეთესო ავტორია, ამაში მისი ყოველი ნაწარმოების წაკითხვის შემდეგ უფრო და უფრო ვრწმუნდები. წიგნი რომ დავასრულე , არ ვიცოდი სად წამეღო ემოციები... ეს არის ისტორიული რომანი, ერთი დიდი ისტორია საქართველოსა და სპარსეთს შორის დამყარებული "მშვიდობის" შესახებ, მაგრამ პირველ რიგში, ეს არის ისტორია ზებულონის პირადი ტრაგედიის შესახებ.
წიგნი სამ ნაწილად იყოფა : შურისძიება, სიყვარული, სიკვდილი და თითოეული მათგანი ავტორს საოცარი ოსტატობით აქვს გადმოცემული... მართლაც , ზებულონის ცხოვრებაში შურისძიების,სიყვარულისა და სიკვდილის გარდა არაფერი არ ყოფილა...
რომანში ხშირია, როგორც მაგიური, ასევე ფენტეზის ელემენტები. მოქმედება გამოგონილ პერიოდში მიმდინარეობს და ამ მოვლენით ჟანრობრივად ალტერნატიულ ისტორიას უახლოვდება. წიგნში განვითარებული მოქმედებების ზუსტი პერიოდი უცნობია, თუმცა პერსონაჟებს აქვთ წიგნები, რაც სტამბის არსებობას ამტკიცებს. საქართველო კი ირანის მორჩილების ქვეშ არის. პერსონაჟების უმეტესობა გამოგონილია, მათ შორის ზებულონიც...
წინ სულისშემძვრელი თავგადასავალი , ღრმა ანალიზითა და სიმართლით გადმოცემული დაუვიწყარი ხასიათები, წარუშლელი პერსონაჟები, დაძაბული თხრობა და წერის საოცარი მანერა გელოდებათ. ზებულონი ძალიან დიდხანს დარჩება მკითხველის გონებაში...
No comments:
Post a Comment