"ჩრდილოეთის ქარს უხდება" ავსტრიელი მწერლის დანიელ გლატაუერის რომანია, რომელმაც გამოსვლისთანავე მოიპოვა პოპულარობა. ეს არის წიგნი ორი ადამიანის ისტორიაზე , რომლის მსგავსიც ჯერ არ გექნებათ წაკითხული. დარწმუნებული ვარ, როცა მკითხავენ თუ რომელია ჩემი საყვარელი წიგნი , ერთ-ერთს სწორედ ამ წიგნს დავასახელებ. წიგნი სრულიად განსხვავებულ ფორმატშია დაწერილი - მეილების სახით.
წიგნი მოგვითხრობს ორ ინტერნეტით გაცნობილ ადამიანზე . მათი მიმოწერა ერთი ასოს არასწორად დაწერის გამო იწყება და გადაიზრდება ვირტუალურ სასიყვარულო ურთიერთობაში თუ შეიძლება ამას ასე ვუწოდოთ... ეს ურთიერთობა საკმაოდ ამაღელვებელი, უცნაური და განსხვავებულია.
რომანის გმირები ემი და ლეო არიან.მათ ერთმანეთის ფოტოც არ აქვთ ნანახი, მაგრამ მიმოწერის დროს იმდენად უგებენ ერთმანეთს, რომ იმასაც კი ხვდებიან თუ როგორი ხმა ექნება მეორეს.
ლეო მარტოხელა კაცია, ემი კი "ბედნიერად გათხოვილია" და მეუღლის ორ ბავშვსაც ზრდის..შეხვდებიან თუ არა ლეო და ემი რეალურ სამყაროში ერთმანეთს ან როგორი გაგრძელება ექნება მათ სიყვარულს, წიგნში აღმოაჩენთ. დასასრული კი ნამდვილად სახტად დაგტოვებთ. ბოლო გვერდი რომ გადავშალე და ცარიელი დამხვდა, რამდენიმე ემოციამ ერთდროულად შემომიტია - სიბრაზემ, იმედგაცრუებამ და ალბათ სამართლიანობამაც...
წიგნი საკმაოდ სასიამოვნოდ და მარტივად იკითხება. შეტყობინების გაგზავნისას ფრთხილად იყავით, არაფერი შეგეშალოთ, თორემ ერთ ასოსაც კი შეუძლია თქვენი ცხოვრება თავდაყირა დააყენოს. ძალიან მაგარი წიგნების სერიას ეს წიგნი ნამდვილად ამართლებს.
No comments:
Post a Comment