წიგნი მოგვითხრობს ერთ-ერთ ყველაზე ალოგიკურ დუეტზე ლიტერატურაში: ლენი სმოლსა და ჯორჯ მილტონზე. ორი რადიკალურად განსხვავებული ადამიანი : ლენი მაღალი, უდიდესი ძალის მქონე, ჭკუანაკლული ტიპია, ჯორჯი კი საშუალო სიმაღლის, ბევრად გონიერი ბიჭი. ისინი დაეხეტებიან იმისთვის, რისთვისაც მთელი ამერიკა დაეხეტებოდა დიდი დეპრესიის პერიოდში: დროებითი სამუშაო და ცოტაოდენი ანაზღაურება. მაგრამ ეს ორი ძალიან განსხვავდება დანარჩენი ამერიკელებისგან: მამაკაცთა უმრავლესობა მხოლოდ ერთი დღისთვის შრომობს, მათი მიზანია, აიღონ ფული, წავიდნენ ქალაქში და მთელი ნაშრომი ბორდელსა და სასმელში დახარჯონ, უკანასკნელ ცენტამდე.. მაგრამ, ჩვენი ბიჭები კი იმიტომ შრომობენ, რომ 600$ შეაგროვონ, პატარა სახლი იყიდონ და კურდღლები და ლეკვები იყოლიონ. ეს არის ლენის ოცნება. ოცნებაც და დაავადებაც, სიამოვნებაც და ტკივილიც.
ამ წიგნის ყველზე დიდი ძალა და ემოცია წაკითხვის შემდგომ ფიქრებში მოდის, ხშირად წიგნში რაღაც ფრაზას ამოიკითავ და მოგეწონება, რამე მოხდება და ჩაგაფიქრებს, აქ კი მორჩები კითხვას და მერე მოდის ფიქრები, საქციელის ანალიზი, და ფიქრები იმაზე თუ როგორ ხდება სხვისი მკვლელობა საკუთარი თავისთვის გამოტანილი განაჩენი, სხვისი შეცდომა რომელიც შენ უფრო ძვირად გიჯდება, რადგან შენ და ის გადაჯაჭვული ხართ, პასუხისმგებლობა რომელსაც ვერ გექცევი, და ჯორჯის მიერ გამოტანილი განაჩენი ლენისთვის რომელზეც რაც მეტს ვფიქრობ უფრო ლენის მიერ გამოტანილი განაჩენია ჯორჯისთვის…
No comments:
Post a Comment