წიგნი, რომელიც ბევრ რამეზე დაგაფიქრებთ, გასწავლით და საკუთარ თავსაც შეგაყვარებთ. გასწავლით , რომ რაც გვაქვს, ყოველთვის უნდა დავაფასოთიქამდე მაინც, სანამ ეს რაღაცეები ჩვენს თვალწინ ხელიდან არ გამოგვეცლება. ცხოვრებაში ყველაფერი გაწონასწორებულად უნდა გავაკეთოთ და ნატვრას და სურვილსაც უნდა დავიფიქრდეთ.
მგონი ყველას გვიოცნებია ამ სამყაროდან სულ ცოტახნით გაქრობაზე. ხშირად დღე ამ ფრაზით იწყება - "ნეტავ ცოტახნით გავქრე", მაგრამ არასდროს არ გვიფიქრია შედეგებზე. არასდროს არ დავფიქრებულვართ ეს როგორი იქნებოდა მშობლებისთვის, და-ძმისთვის, ნათესავებისთვის და ზოგადად, ჩვენი საყვარელი ადამიანებისთვის.
რას გააკეთებდით თუ ოდესმე, ერთ ჩვეულებრივ დღეს გაიღვიძებდით და სარკეში საკუთარ თავს ვერ დაინახავდით?! რას მოიმოქმედებდით, თუ აღმოაჩენდით ,რომ გაქრით?! წიგნში ზუსტად ამ ურთულეს გზას გადის მთავარი გმირი. უცბად, სრულიად მოულოდნელად მას ვერავინ ამჩნევს, ვერ ხედავენ და ვერ ეხებიან. მიუხედავად მისი ნატვრისა, რომ ცოტახნით გამქრალიყო და განმარტოებულიყო, იგი მაინც დიდ საგონებელშია. მას ხომ მთლად ეს არ უნდოდა...
დარწმუნებული ვარ ამ წიგნში თითოეული თვენგანი იპოვის საკუთარ თავს. ავტორს თითქმის ყველა პრობლემა, რაც კი შეიძლება ადამიანს გადახდეს, აღწერილი აქვს. კითხვისას მეგონა , რომ თავად ავტორი მეჯდა წინ და თავის ცხოვრებას მიყვებოდა. ასევე არ შემიძლია, ხაზი არ გავუსვა იმ ფაქტს, თუ როგორ კარგად ჩანს წიგნში ის, თუ რამხელა პატივისცემით ეკიდება ავტორი მის ოჯახს. თითოეულ წინადადებაშ, სადაც ის მის ოჯახზე გვიყვებოდა, სასწაული სითბო იგრძნობოდა და ვფიქრობ , რომ ეს წიგნი სწორედ მათ , განსაკუთრებით კი თავის დას მიუძღვნა. დარწმუნებული ვარ , გულგრილს არავის დაგტოვებთ და შესაძლოა ცრემლებადაც დაიღვაროთ ბოლო ფურცლებზე. უდიდესი რეკომენდაცია ჩემგან ამ წიგნს და წარმატებები ავტორს .
No comments:
Post a Comment