"ყვავილები ელჯერნონისთვის" არის ერთ-ერთი ყველაზე გამორჩეული ნაწარმოები. რომანი დაწერილია დღიურის სახით და მოიცავს 32 წლის ჩარლი გორდონის ცხოვრების პერიოდს 3 მარტიდან 21 ნოემბრამდე. წიგნის კითხვის დაწყებისას , ვიფიქრე , რომ კორექტურის პრობლემა იყო, ვინაიდან სიტყვები საკმაოდ არეული იყო,თუმცა რამდენიმე გვერდის წაკითხვის შემდეგ მივხვდი რომ აზრის გადმოცემის ხერხი იყო ასეთი. ჩარლი გორდონი გონებასუსტია...ექიმები მასზე ისეთივე ექსპერიმენტის ჩატარებას გადაწყვეტენ , რაც თაგვ ელჯერნონზე ჩაატარეს. ექიმები აპირებენ ხელოვნური გზით ჩარლის ინტელექტი გაუზარდონ. მაგრამ აქ დგება სრული უტოპია: შედეგი მხოლოდ გარკვეული პერიოდი გრძელდება. შემდეგ ყველაფერი უკან მიდის და დგება სიკვდილი. თაგვი ელჯერნონი სწორედ მაშინ კვდება , როდესაც ჩარლი ინტელექტის პიკზეა და სამეცნიერო კვლევებს იწყებს.
რამდენადაც დაბალია ჩარლის ინტელექტუალური შესაძლებლობები, იმდენად მაღალია ამ ალალი და გულუბრყვილო ადამიანის სურვილი და მონდომება ცოდნის შესაძენად, რადგან ჩარლი თვლის , რომ ჭკვიანი უფრო მეტ ადამიანს ეყვარება. სწორედ ამიტომ გამოარჩიეს ის ექსპერიმენტისთვის, რომელიც მიზნად ისახავს ადამიანის მომავალი შეცვალოს. წიგნის დასასრულს კი მხოლოდ ერთი კითხვა რჩება : დასაშვებია თუ არა ხელოვნური ჩარევის გზით ადამიანის შეცვლა ?!...
No comments:
Post a Comment