ოდესმე თვითმკვლელობაზე გიფიქრიათ? დამეთანხმებით , ალბათ , როგორი საზარელი შეკითხვაა. გაფიქრებაც კი დაგრთგუნავს , ისეთი კითხვაა... წიგნის მთავარმა პერსონაჟმა - ჰანა ბეიკერმა კი შეძლო ამ ნაბიჯის გადადგმა. მან სუიციდი აირჩია. შინაარსი მარტივია : ჰანა , რომელმაც თავი მოიკლა, ტოვებს კასეტებს , სადაც ასახელებს 13 მიზეზს თუ რატომ მოიქცა ასე. მისგან ვიგებთ, რომ ის მსხვერპლია ჭორების, გულგრილობის , უნდობლობის, ძალადობის და უყურადღებობის. ჰანას ამბის პარალელურად სკოლაში მთელი რიგი ამბები ხდება...მოზარდები იგებენ , რომ ჰანას წინაშე დამნაშავეები არიან. დამნაშავის სახით 12 სხვადასხვა ადამიანია წარმოჩენილი.
ჰანას ისტორია, თოვლის გუნდის ეფექტის ნათელი მაგალითია .ერთ უბედურებას მეორე მოჰყვა, მეორეს მესამე და საბოლოოდ ფატალურ შედეგამდე მიგვიყვანა. თან ყველაფერი თავისით აეწყო - გოგონას არაფერი უთხოვია. წიგნში ასახულია ყველაფერი , რაც რეალურად ხდება. თითქოს უმნიშვნელო ამბები ტრაგედიის ჯაჭვის პატარა რგოლებს ქმნიან : ამ ჭორმა სახელი გამიტეხა,ადამიანებმა ირწმუნეს ჭორი და შესაბამისად მექცეოდნენ.ხანდახან ასეთ ჭორს თოვლის გუნდის ეფექტი აქვს - უბედურება თანდათან იზრდება.
თოვლის გუნდის ეფექტი მეგობრებო... ჩვენ წარმოდგენაც არ გვაქვს რამხელა ზეგავლენა შეიძლება იქონიოს ერთი შეხედვით უმნიშვნელო საქციელმა ან უცებ წამოსროლილმა სიტყვამ...იმის მეშინია , რომ ბევრი ჰანა ბეიკერი არსებობს. მეშინია რომ ერთ დღესაც გავიღვიძებ და ვიღაც საკუთარი გადაწყვეტილებით აღარ იქნება... და რომ შეიძლება ეს ჩემი ბრალიც იყოს...არა იმიტომ რომ დავამცირე , დავცინე და ცუდად მოვექეცი , არამედ იმიტომ რომ ტიროდა და მე არ დავამშვიდე, უკან არ გავყევი...
წიგნის მიხედვით არის გადაღებული სერიალი , რომელიც ნამდვილად დაგაინტერესებთ :)
https://www.youtube.com/watch?v=toj3CyMhBOs
No comments:
Post a Comment