რეი ბრედბერი ჩემი ერთ-ერთი უსაყვარლესი მწერალია, რადგან ის ახერხებს კითხვისას ისეთი ემოციებით აგავსოს სრულიად ირაციონალური არარეალური მოვლენებით, თითქოს ეს ესაა შენ თვითონ გადაგხდენოდეს თავს.ისე გაგაცინოს გულითაც და სიმწრითაც , რომ უცრემლოდ ვერ დაამთავრო კითხვის პროცესი.ისე დაგახვიოს თავბრუ უცნაურად შორეული , მაგრამ ძალიან ნაცნობი და ახლობელი ამბებით, რომ წიგნის დასასრულს სულ მცირე ნახევარი საათი დაგჭირდეს გამოსაფხიზებლად და გასარკვევად, რომელია ნამდვილად შენი რეალობა?!
წიგნში მოქმედება არარეალურ ქალაქში ხდება, სადაც მეხანძრეებს ერთი ფუნქცია აქვთ - გააჩაღონ ცეცხლი და განადგურონ წიგნები. მთლიანი რომანი ეხება სასტიკ მომავალს , სადაც წიგნების კითხვა უდიდესი დანაშაულია.წიგნებს მათი მფლობელებიც ეწირებიან.
წიგნის მთავარი გმირი, მეხანძრე - გაი მონტეგია. მას თავი ძალიან ბედნიერ ადამიანად მიაჩნდა და ეგონა რომ საკმაოდ მხიარული ცხოვრება ჰქონდა, სანამ ერთ ახალგაზრდა გოგონას არ შეხვდა , რომელმაც სამყარო სრულიად განსხვავებული კუთხით დაანახა. გაი განსხვავებული სულის პატრონია , სწორედ ამიტომ მან ჩუმად დაიწყო წიგნების მოპარვა და კითხვა. ის მზადაა წიგნების გადასარჩენად გადატრიალება მოახდინოს.
საერთოდ მგონია, რომ გასულ საუკუნეში, 21 საუკუნის ეშინოდათ და ელოდნენ რაღაც ცვლილებას, რაც ამ ორი საუკუნის ადამიანს მნიშვნელოვნად განასხვავებდა. ეს ცვლილება კი იქნებოდა უარყოფითი , რაც ტექნიკის განვითარებას მოჰყვებოდა.
ეს არის წიგნი , რომელიც წიგნებს ეხება და აუცილებლად წასაკითხი წიგნების სიაშია შესატანი.
No comments:
Post a Comment