"წითელი და შავი" არის ისტორიული და ძალიან ფსიქოლოგიური რომანი. ნაწარმოებში მოქმედება მე-19 საუკუნის საფრანგეთში ხდება. ქვეყანა ნაპოლეონის მომხრეებად და მოწინააღმდეგეებად არის გაყოფილი. წიგნის მთავარი გმირი - ჟულიენი , თითქმის მარტო აღმოჩნდა ყველა იმ ადამიანთა შორის , ვინც ნაპოლეონის მოწინააღმდეგეებს განეკუთვნებიან.ნაწარმოებში კარგად ჩანს თუ როგორ ცდილობს ჟულიენი დუმილით თავისი ფიქრების დამალვას. ის ამბობს მხოლოდ იმას, რაც იცის რომ საზოგადოებას მოეწონება. წინააღმდეგ შემთხვევაში ის გაძევებული იქნება საზოგადოებიდან ან უფრო უარესიჩ შესაძლოა მოხდეს , თუ გაიგებენ რომ იგი ნაპოლეონის მხარდამჭერია.
ჟულიენი - გლეხის შვილია , რომელსაც ქალაქის მერის ცოლი - ქალბატონი დე რენალი შეუყვარდება. როდესაც ამჩნევს , რომ მასაც უყვარს, ჟულიენი ყველანაირად ცდილობს მის ხელში ჩაგდებას. თუმცა , ჟულიენი არაფერს განიცდის პატივმოყვარეობის გარდა. მას შეუძლია ქალი გონების გარეშე ამოქმედოს, დე რენალი კი , სწორედ ასეთ კატეგორიას მიეკუთვნება. დე რენალის შემდეგ მას მარკიზის შვილი - მატილდა უყვარდება. ჟულიენი პატივმოყვარეობას მასთანაც ავლენს .ის არასდროს უყვება მატილდას თავის მეგობრებზე და დუმილით უსმენს თუ რას საუბრობს თავად ქალი და ამის საფუძველზე დასკვნებს აკეთებს.
ჩემი , როგორც მკითხველის გადმოსახედიდან , ჟულიენი ძალიან ჭკვიანი ადამიანია.
მიუხედავად იმისა, რომ მისი ყველა წარმატება ტყუილზეა დამყარებული, ის ამას სხვებს მაინც არ აჩვენებს, ეს მხოლოდ მან იცის.მისი ეს დუმილის თვისება ძალიან დასაფასებელია. მართლაც , თითქმის ასეთი ადამიანები არც არსებობენ...
მიუხედავად იმისა, რომ ჟულიენი ძალიან ახალგაზრდა იყო, მას ბოლომდე ჰქონდა გაცნობიერებული თავისი მიზნები, რომლების სისრულეში მოყვანაც სურდა. მისი აზრით , დუმილი უფრო ფასეულია, ვიდრე სიტყვა. მას სწორედ დუმილი დაეხმარა იმის მიღებაში რაც ყველაზე მეტად სურდა.
No comments:
Post a Comment