"სოფის სამყარო" - ეს არის რომანი ფილოსოფიის ისტორიის შესახებ. წიგნი მარტივი, გასაგები ენითაა დაწერილი და სიუჟეტი თანმიმდევრულად ვითარდება.
ყველაფერი ასე იწყება : 14 წლის სოფი ამუნდსენი ერთ დღეს ორ უცნაურ ანონიმურ წერილს მიიღებს. წერილებში , ერთი შეხედვით ძალიან მარტივი კითხვები წერია:
"ვინ ხარ შენ?", "როგორ შეიქმნა სამყარო"? მიიღებს ღია ბარათსაც , რომელიც ვინმე ჰილდე მოლერ კნაგის სახელზეა გამოგზავნილი. ამ დღის შემდეგ სოფის ცხოვრება მთლიანად იცვლება. გოგონა ყოველდღე ახალ წერილს იღებს და ეცნობა ფილოსოფიის გრძელ ისტორიას.
თავისი ფილოსოფიის მასწავლებლი - ალბერტო კნოქსის დახმარებით სოფი უამრავ და მნიშვნელოვან თემას გაივლის და დაფიქრდება უამრავ საინტერესო საკითხზე: შუასაუკუნეების ბნელ პერიოდზე, აღორძინების ხანაზე, ადამიანების ბედისწერაზე, ღმერთის არსებობაზე... წიგნის მისტიკური ნაწილი კი ასე გრძელდება : ფილოსოფიის კურსის დასასრულს , სოფი და მისი მასწავლებელი აღმოაჩენენ , რომ ისინი მხოლოდ გამოგონილი მოთხრობის გმირები არიან.მოთხრობის, რომელიც ჰილდე მოლერ კნაგს , მისმა მამამ, მაიორმა აჩუქა მეთხუთმეტე დაბადების დღის აღსანიშნავად და თავადვე დაწერა. სწორედ ამიტომ ჩნდებოდა არსაიდან სოფის სახლში უცნაური წერილები, რომელსაც მამა ჰილდეს უგზავნიდა. ამ ყველაფრის გარკვევის შემდეგ სოფი და მისი მასწავლებელი გადაწყვეტენ გახდნენ რეალური სამყაროს ნაწილები და ჯადოსნური სარკის დახმარებით გადავლენ კიდეც ჰილდეს სამყაროში , თუმცა იქ მათ ვერავინ ვერ ხედავს, ვერც ხმას აგონებენ ვინმეს.
წიგნის დასასრულს ,თითქოს მეც შემეპარა ეჭვი ჩემი სამყაროს რეალურად არსებობაში.თუმცა, ამის გარდა უამრავი პასუხგაუცემელი კითხვა დამიგროვდა, რომელზეც ჩემამდეც ბევრს უფიქრია.
ისე, მე თუ მკითხავთ , იუსტაინ გორდერის ეს წიგნი მე-9 ან მე-10 კლასების ფილოსოფიის სახემძღვანელოს იდეალური ვარიანტია.
ამ პოსტს კი გოეთეს ერთი ციტატით დავასრულებ :
"ის , ვინც ვერაფერს ამოიღებს სამი ათასი წლის მატიანიდან , მხოლოდ დღიდან დღემდე თუ არსებობს".
No comments:
Post a Comment