გაიცანით იუსტაინ გორდერი. მისი სამყარო - ეს არის ცხოვრება, როგორც სასწაული. ცხოვრება , როგორც რომანტიკული თავგადასავალი...ცხოვრება, როგორც ფილოსოფიური გამოცანა... გორდერის წიგნების პოპულარობას იწვევს ის, რომ მწერალი თავის წიგნებში აღწერს გასაოცარ სამყაროს,რომელიც ერთდროულად ჩვენიცაა - ანუ სრულიად ნაცნობი და რეალური, ამავდროულად ზღაპრულია ამ სიტყვის პირდაპირი თუ გადატანითი მნიშვნელობით.
რაც შეეხება თავად "ფორთოხლის გოგონას". ავტორი ,წიგნში ერთმანეთის პარალელურად ორ პერიოდში გვამოგზაურებს. წიგნი იწყება იმით, რომ ერთ დღეს 15 წლის გეორგი მიიღებს წერილს მამისგან , რომელიც 11 წლის წინ გარდაიცვალა.როდესაც გეორგის მამამ გაიგო რომ ძალიან ცოტა დრო ჰქონდა დარჩენილი სასიცოცხლოდ, მან გადაწყვიტა თავისი 4 წლის შვილისთვის წერილი მიეწერა.წერილში მოთხრობილია ამბავი იდუმალებით მოცული "ფორტოხლის გოგონას" შესახებ, ამბავი ჯადოსნურ სიყვარულზე, მამა-შვილის საოცარ და სევდიან ურთიერთობაზე, იმაზე თუ როგორი ძნელია ახლობელი ადამიანის დაკარგვა. ასევე თუ როგორი გასაოცარია სამყარო ჩვენს ირგვლივ. მოკლედ ეს არის ძალიან თბილი, ტკბილი და ფორთოხლისფერი წიგნი, რომელიც ერთი ამოსუნთქვით იკითხება.
ძალიან ბევრი რამ შეიძლება აღმოაჩინოთ და ისწავლოთ ამ წიგნიდან. მე ის დასკვნა გავაკეთე , რომ ყველაფერი კანონზომიერებით ხდება და შემთხვევითი არაფერი და არავინ არ არსებობს. ჩვენ ,თუნდაც მხოლოდ იმიტომ ვართ იღბლიანები , რომ აქ ვართ - ახლა და ამ წუთში.
სამახსოვრო ფრაზები :
- ხშირად მოხუცები თითქოს უფრო მეტ დროს პოულობენ ,ვიდრე ბავშვები ,რომლებსაც უამრავი დრო აქვთ.
- ცხოვრებაში ხანდახან საჭიროა რომ ცოტაოდენი სწრაფვა შეგეძლოს.
- მაგრამ,სხვა თუ არაფერი, ერთხელ მაინც ხომ იცხოვრე - იღბლიანო.
- მაგრამ მაინც - რა არის ადამიანი?რაშია მისი ღირებულება? იქნებ მხოლოდ და მხოლოდ მტვერი ვართ , ქარი რომ გაფანტავს ორ წამში?!
- ცხოვრება ლატარიაა, რომელშიც მხოლოდ გამარჯვებული ბილეთები ჩანს. შენ , რომელიც ამ წიგნს კითხულობ, ერთი ასეთი გამარჯვებული ბილეთი ხარ.
No comments:
Post a Comment