სტივენ კინგს ,როგორც ავტორს, შესაძლოა არ იცნობდეთ, მაგრამ მისი წიგნების მიხედვით გადაღებული ფილმი მაინც გექნებათ ნანახი.სტივენ კინგის სახელი პირდაპირ ასოცირდება სიტყვა - ჰორორთან . მან შეძლო და შეაშინა თაობები და დღემდე არ ანებებს თავს ამ "მავნე ჩვევას". მისი ეს ფენომენი წარმოუდგენელი და სრულიად ამოუცნობია , თუ როგორ ახერხებს ეს ერთი ჩვეულებრივი მოკვდავი, ამდენი ადამიანის "შეზანზარებას" .
დღეს განვიხილოთ მისი ერთ - ერთი და პირადად ჩემთვის რჩეული წიგნი - "მწვანე ბილიკი". აღსანიშნავია , რომ ეს ნაწარმოები ნაკლებად მოიცავს ჰორორს , თუმცა ადამიანის სისასტიკეს აქაც ვერ გავექცევით გარკვეულ მომენტებში.
წიგნის სიუჟეტი იწყება მოხუცთა თავშესაფარში, სადაც ხნიერი პოლ ეჯკომბი ცხოვრობს . ის თავის მეგობარ - ელენს უყვება 1932 წლის ისტორია , რომელიც მას გადახდა, როდესაც მის ბლოკში სიკვდილმისჯილი პატიმარი - ჯონ კოფი მიიყვანეს.პოლი დიდი ხნის განმავლობაში მუშაობდა ციხის ზედამხედველად.ბლოკის ბოლოში დერეფანი იყო,რომლის იატაკიც მწვანედ იყო შეღებილი.სწორედ ამ გზას გადიოდა ყველა პატიმარი უკანასკნელად.მწვანე ბილიკი სიკვდილის მოლოდინში გატარებული წუთები იყო,რომელსაც ყველა გადიოდა , რის შემდეგადაც ელექტრო სკამს ხვდებოდა. კოფის ბრალად ედებოდა ორი პატარა გოგოს გაუპატიურება და მკვლელობა. ის იყო გიგანტური ზომის , შავკანიანი და ერთი ნახვაც საკმარისი იყო, რომ ნამდვილი შოკი გამოეწვია. თუმცა პირველ დღეს აღმოჩნდა , რომ ამ "საზარელ არსებას" სიბნელის ეშინოდა და ზედამხედველებს სთხოვდა რომ ღამით დერეფანში სინათლე არ ჩაექროთ. სწორედ ამ დღიდან დაინტერესდა პოლ ეჯკომბი მისით.
ციხეში გარდა ეჯკომბისა , გვხვდება სხვადახვა პოლიციელი, მათ შორის აგრესორი და პროვოკატორი - პერსი უელტმორი. პერსი თავს უფლებას აძლევს , რომ წარმოუდგენელი სისასტიკე გამოიჩინოს პატიმრების მიმართ. ასევე გვხვდება კიდევ ერთი პატიმარი - ედვარდ დელაკრუა, რომლის მიმართ განსაკუთრებული ზიზღი აქვს პერსის.დელაკრუა საკანში გაიჩენს მეგობარს - წრუწუნას - მისტერ ჯინგლსს, რომელიც ასევე იწვევს პერსის ზიზღს. სიკვდილის წინ დელაკრუა ოცნებებით გადის მწვანე ბილიკს .ელექტრო სკამზე მჯდომს კი პერსი მთელს ოცნებებს უმსხვრევს და საშინელი სიკვდილით სჯის.
ჯონ კოფის უდიდესი დატვირთვა აქვს წიგნში . ვისაც არ გაქვთ წაკითხული , წაიკითხეთ , არ ინანებთ. შეგიძლიათ ნახოთ წიგნის ეკრანიზაციაც.
https://www.youtube.com/watch?v=Ki4haFrqSrw&t=58s
No comments:
Post a Comment