"ნუ მოკლავ ჯაფარას" ის წიგნია, რომელიც სიცოცხლეში მნიშვნელოვანი ღირებულებების შესახებ ცოდნას გვაძლევს. სიუჟეტი 1930 - იანი წლების ამერიკაში, ალაბამას შტატში - ქალაქ მეიკომში ვითარდება. მთავარი გმირები პატარა და-ძმა - ჯინ-ლუიზა, მეტსახელად ჭყიტა და ჯემ ფინჩები არიან. ისინი არიან დაქვრივებული ატიკუს ფინჩის შვილები. ატიკუს ფინჩი, კეთილი და უზომოდ ჭკვიანი ადვოკატი, ცდილობს შვილებს ცხოვრებაში ყველაზე მთავარი რამ ასწავლოს - ადამიანებისადმი თანაგრძნობა და სიყვარული. ადამიანების დაფასება არა მისი კანის ფერის ან სოციალური მდგომარეობის , არამედ მისი პიროვნული თვისებების და ღირსების მიხედვით. ატიკუსი არის არამხოლოდ ამერიკულ ლიტერატურაში ყველაზე ჰუმანური სახე ადამიანისა , რომელსაც აქვს განსაკუთრებული უნარი , პატივი სცეს სხვა ადამიანს , დაინახოს მასში ის , რასაც სხვები ვერ ხედავენ. აღმოაჩინოს ისეთი თვისებები , რაც განსაკუთრებული აქვს და ამის გამო უყვარდეს იგი.
ატიკუსი ამის მაგალითს თავად აძლევს შვილებს, როდესაც გადაწყვეტს სასამართლოში დაიცვას შავკანიანი - ტიმ რობინსონი , რომელსაც თეთრკანიანი გოგონას გაუპატიურებაში სდებენ ბრალს. ატიკუსმა იცის , რომ ძალიან რთულ საქმეში იღებს მონაწილეობას , ვინაიდან რობინსონი შავკანიანია და საზოგადოება კი სტერეოტიპულად აზროვნებს. რასიზმი , სოციალური უსამართლობა და უთანასწორობა - წიგნის მთავარი თემებია.
პატარა ჭყიტა და ჯემი ამას კარგად იაზრებენ, მთელ საზოგადოებასთან დაპირისპირებული მამისა და რედლი ბუას მაგალითზე . ბავშვები უკვე სხვა თვალით უყურებენ სამყაროს.
ჰარპერ ლიმ რომანში საკუთარი ბავშვობის სახლი და მოგონებები გააცოცხლა. წიგნის ბოლომდე შენც სწავლობ ადამიანების განსაკუთრებულად აღქმას და იწყებ გამორჩეული თვისებების ძიებას.ბოლოს შენც გჯერა, რომ ყველას შენს ირგვლივ აქვს ის, რასაც უბრალოდ ვერ ხედავ და რის გამოც შეიძლება გიყვარდეს. მილიონობით ადამიანს, ჰარპერ ლიმ უმნიშვნელოვანესი მესიჯი დაუტოვა , რომ ადამიანის გასაგებად საჭიროა მის ტყავში ჩავძვრეთ და ბოლოს გვითხრა , რომ არ მოვკლათ ჯაფარა , ჩიტი . რომელსაც მხოლოდ გალობა შეუძლია , არ შევეხოთ.
No comments:
Post a Comment