წიგნი, რომელიც ემოციების ზღვას დაგიტოვებთ. შეუძლებელია , რომ წიგნი , რომელიც - ჰოლოკოსტს შეეხება , ადამიანი გულგრილი დატოვოს.წიგნის ავტორი - ჯონ ბოინი ,ძალიან კარგად ახერხებს ბავშვების ფიქრებით და დიალოგებით აგვიხსნას იმ დროის უდიდესი ტრაგედია და თან დაგვიტოვოს მძიმე შთაბეჭდილება.
სიუჟეტი ვითარდება 1943 წელს... ჰოლოკოსტი ...ებრაელების გენოციდი...საკონცენტრაციო ბანაკები...პატარა ბრუნო აუშვიცის ბანაკის კომენდანტის შვილია , მაგრამ მას წარმოდგენაც კი არ აქვს რას საქმიანობს მამამისი.მას არც ომის და არც ებრაელების შესახებ სმენია რამე.იგი ღრმადაა დარწმუნებული, რომ ბანაკებში მისნაირად თავისუფალი ხალხია. ბრუნო ფიქრობს , რომ მის ახალგაცნობილ მეგობარს ნამდვილად არა აქვს არაფერი საწუწუნო.გერმანელი ბრუნო მოვლილი და გულუბრყვილოა , ებრაელი ბიჭი ზოლიან პიჟამაში კი - გამხდარი და ნაადრევად გაზრდილი.
უბრალოდ შეუძლებელია, რომელიმე თავის დასასრულს წიგნი გვერდზე გადადო. ყოველი თავის ბოლოში ჩნდება ახალი კვანძი , რომელიც მომდევნო თავებში იხსნება. თუ ძლიერი ემოციები გინდათ განიცადოთ , მიუხედავად მძიმე შინაარსის და თემისა , ეს წიგნი სწორედ თქვენთვისაა. ჯონ ბოინმა მართლაც არაჩვეულებრივი სიუჟეტი შექმნა და დაგვანახა მავთულხლართების ორი მხარე და მათ შორის ორი ჩაჭიდებული ხელი.
წიგნის წაკითხვის შემდეგ გირჩევთ ნახოთ ეკრანიზაცია .
https://www.youtube.com/watch?v=_EfD5VaTX0A
No comments:
Post a Comment